კრეტა

გზამკვლევი კრეტას კუნძულზე: 4 საკურორტო ზონა და 14 დასვენების ადგილი

კრეტა – საბერძნეთის ყველაზე დიდი და საოცარი კუნძულია. კუნძული, სადაც ზევსი დაიბადა და მინოტავრი ბინადრობდა. კუნძული, სადაც ევროპის უდიდესი მთის კანიონი მდებარეობს. კუნძული, რომელსაც სამი ზღვა აკრავს გარს – კრეტის, იონიისა და ლიბიის – და რომელთა სანაპიროებზე არაჩვეულებრივი პლაჟებია განთავსებული. Aviabiletebi.org-მა თქვენთვის გზამკვლევი შეადგინა კუნძული კრეტას მთავარი კურორტების შესახებ.

კრეტა დაყოფილია ოთხ ძირითად საკურორტო ზონად: ხანია, ლასითი, ჰერაკლიონი და რეთიმნო. მოდით თითოეული მათგანი განვიხილოთ.

ხანია

ეს არის კრეტის ერთ-ერთი მთავარი ტურისტული ცენტრი, რომელიც მდიდარია ბუნების საოცრებებით, უნიკალური უძველესი არქიტექტურით, ლურჯი დროშით დაჯილდოვებული ლამაზი და სუფთა სანაპიროთი,  მდიდარი კულტურული ცხოვრებით. ხანია – ეს არის თეთრი მთები და სამარიის კანიონი, ელაფონისის კუნძულის ვარდისფერი ქვიშა და საინტერესო მოვლენების მორევი.

აგია მარინა – პატარა საკურორტო ქალაქია, რომელიც ყოველწლიურად სულ უფრო მეტი პოპულარობით სარგებლობს დამსვენებლებთა შორის. იგი ტურისტებს იზიდავს ლურჯი დროშით დაჯილდოვებული გამჭვირვალე წყლისა და ოქროს ქვიშის მქონე სუფთა პლაჟებით. პლაჟების გარდა აგია მარინა სტუმრებს ხიბლავს მყუდრო ცენტრით, სადაც უამრავი პატარა ეკლესია და სამლოცველო მდებარეობს, Nerospilia გამოქვაბულით, ფორთოხლის ბაღითა და ახლომდებარე წმინდა თეოდორესკუნძულით-ნაკრძალით.

პლატანიასი – უფრო ხმაურიანი, კულტურული და ღამის ცხოვრებით დატვირთული კურორტია. დღისით მისი სტუმრები ქალაქის ლამაზ პლაჟზე ისვენებენ, რომელსაც ლურჯი დროშის გარდა კარგი დასვენებისთვის საჭირო ყველა ატრიბუტი აქვს არსენალში: საშხაპეები, შეზლონგები, გასართობი საშუალებები (პარაგლაიდინგი, ნავით სეირნობა და ა.შ.). საღამოს კი ყველა კლუბებში, რესტორნებსა და ტავერნებში ინაცვლებს, სადაც მუსიკა და ცეკვა შუაღამის შემდეგაც კი გრძელდება.

პალეოხორა – შესანიშნავი ტურისტული ინფრასტრუქტურის, ადგილობრივი კოლორიტისა და უამრავი ღირსშესანიშნაობის ერთობლიობაა. ქალაქში ორი შესანიშნავი სანაპირო ზოლია, ასევე დამყარებულია საბორნე კავშირი მეზობელ კურორტებთან და კუნძულებთან. მშვიდი ქალაქი ჩინებული არჩევანია საოჯახო დასვენებისთვის. საღამოობით პალეოხორას ქუჩებსა და ტავერნებში სამაგიდო თამაშებით გართულ ადგილობრივ მაცხოვრებლებს იხილავთ და  შეგიძლიათ მათთან ერთად ითამაშოთ კიდეც. პალეოხორასთან ახლოს მდებარეობს სელინოს ციხის ნანგრევები, ანტიკური ქალაქის კალამიდის ნანგრევები, ცნობილი სამარიის ხეობა და კუნძული გავდოსი.

ხანიაში განსაკუთრებულ ყურადღებას იმსახურებს:

ელაფონისი – უნიკალური კუნძული, რომელიც განთქმულია თავისი ვარდისფერი ქვიშით, გამჭვირვალე ფირუზისფერი წყლითა და მომხიბლავი პეიზაჟებით.

ქალაქი ხანია – მთელი რეგიონის დედაქალაქი და კუნძულის სიდიდით მეორე ქალაქი. ქალაქი მოგხიბლავთ თავისი საოცარი არქიტექტურით, რომელიც  ვენეციურ და თურქულ მემკვიდრეობას აერთიანებს, ვიწრო და ძალიან მყუდრო ქუჩებით, ძველი ნავსადგურითა და ძველი ცენტრით, ულამაზესი სანაპიროებით, ძველი ტაძრებითა და უამრავი მუზეუმით.

განთავსების ღირებულება: 3* – 40 ევრო, 5* – 185 ევროდან.

თბილისიდან ხანიას მიმართულებით ფრენის ღირებულება 780 ლარიდან იწყება (ორივე გზა).

ყველაზე იაფი ავიაბილეთები თბილისიდან ხანია, შემდეგი 1წლის განმავლობაში

გამგზავრებადაბრუნებაგაჩერებაავიაკომპანიაფასი
28 მარ 20241 აპრ 20242 ᲒაჩერებაTurkish Airlines1 418 -დან
10 აპრ 202424 აპრ 20241 ᲒაჩერებაAegean Airlines888 -დან
16 მაი 202422 მაი 20241 ᲒაჩერებაAegean Airlines701 -დან
19 ივნ 202427 ივნ 20241 ᲒაჩერებაAegean Airlines818 -დან
24 ივლ 202431 ივლ 20241 ᲒაჩერებაAegean Airlines851 -დან
26 აგვ 20247 სექ 20241 ᲒაჩერებაAegean Airlines809 -დან
9 სექ 202416 სექ 20241 ᲒაჩერებაAegean Airlines763 -დან
17 თებ 20251 მარ 20252 ᲒაჩერებაAegean Airlines926 -დან

იაფი ორმხრივი ავიაბილეთები თბილისიდან ხანია-ში

გამგზავრებადაბრუნებაგაჩერებაავიაკომპანიაფასი
16 მაი 202422 მაი 2024პირდაპირიAegean Airlines701 -დან

რეთიმნო

შესანიშნავი არჩევანია მათთვის, ვისაც პლაჟისა და კულტურული დასვენების შეთავსება სურს: ეს ადგილი კუნძულის მრავალ ულამაზეს ღირსშესანიშნაობასა და საოცარ პლაჟს შორის მდებარეობს. რეთიმნო – ეს არის ტბები კურნა, ლაგუნა ბალოსი, წყაროები აგრირუპოლი და უნიკალური, დაუჯერებელი ისტორიისა და არქიტექტურის მქონე იმავე სახელწოდების დედაქალაქი.

ბალი – კრეტის ერთ-ერთი ულამაზესი ადგილია. ეს არის მთებით გარშემორტყმული კურორტი, რომელიც სტუმრებს მშვიდი, მყუდრო ყურეებითა და საოცრად ლამაზი ბუნებით ხიბლავს.  ბალის ყველა პლაჟი სხვადასხვა ყურეში მდებარეობს, სულ კი 4 მათგანია: ერთი დიდი, უფრო ღია და ქარიანი, და სამი უფრო პატარა და მშვიდი. ბალი ადრე მეთევზეთა დასახლება იყო. დღესაც კი ადგილობრივი მეთევზეები თავიანთი ხელობით არიან დაკავებული, ამიტომ მზად იყავით შესანიშნავი ადგილობრივი კერძებისა და ახალდაჭერილი თევზის დაგემოვნებისთვის.

ბალი რეთიმნოსა და ჰერაკლიონს შორის მდებარეობს, რაც იმას ნიშნავს, რომ აქ თქვენთვის მოსახერხებელი იქნება მსხვილ კულტურულ ცენტრებთან გაცნობა და ამავდროულად ზღვასთან მშვიდი და წყნარი დასვენებით ტკბობა.

აგია გალინი – კრეტის სამხრეთით, ლიბიის ზღვის სანაპიროსთან მდებარე თვამწარმტაცი დასახლებაა. მომცრო, მაგრამ ძალიან მყუდრო: პატარა მიხვეულ-მოხვეული ქუჩები თეთრი სახლებითა და ხასხასა ყვავილებით, ქვაფენილით მოპირკეთებული ბილიკები და ხვეული კიბეები, აყვავებული ხეები, პალმები, პატარა ძველი ნავსადგური. და ეს ყველაფერი მთებისა და კლდეების გარემოცვაში. აგია გალინის დასავლეთ ნაწილში კლდეები და გამოქვაბულები მდებარეობს, ხოლო აღმოსავლეთ ნაწილში – ფართო სანაპირო ზოლია.

რეთიმნო – რეგიონის იმავე სახელწოდების დედაქალაქი და მდიდარი ისტორიის, უამრავი ძველი ღირსშესანიშნაობის, კარგი პლაჟისა და ულამაზესი ცენტრის მქონე ქალაქია. ძველი ცენტრი და ძველი ნავსადგური, ციხე ფორტეცა და მონასტერი არკადი, ვენეციური პორტალები და თვალწარმტაცი სანაპირო – რეთიმნოში დასვენება საინტერესო და აქტიური იქნება.

რეთიმნო – ხმაურიანი კურორტია. კლუბები, ბარები, რესტორნები, ქალაქში კულტურული ცხოვრებაცაა, რეგულარულად იმართება სხვადასხვა კონცერტი თუ ფესტივალი. თუმცა ამავდროულად ზღვასთან უამრავ მშვიდ ადგილზე შეგიძლიათ განმარტოვდეთ და ბავშვებთან ერთად ისეირნოთ.

განთავსების ღირებულება: 3* – 45 ევროდან, 5* – 142 ევროდან.

ჰერაკლიონი

ეს არის კრეტის ცენტრალური ნაწილი მთელი კუნძულის იმავე სახელწოდების დედაქალაქით. მთავარი საკურორტო ზონა, სადაც ყველა პოპულარული კურორტი და ღირსშესანიშნაობა მდებარეობს: კნოსოსის სასახლე და მინოტავრის ლაბირინთი, მინოანის სასახლეები, ვენეციური ლოჯია და მრავალი სხვა.

მალია – კრეტის ის კურორტია, რომელზეც ყველაზე მეტი წვეულება იმართება და ახალგაზრდებს  იზიდავს. ღამის კლუბები, დისკოთეკები, ბარები, უსასრულო წვეულებები – და ეს ყველაფერი ზღვის სანაპიროზე. სხვათა შორის, მალიის სანაპირო ერთ-ერთი საუკეთესოა: სუფთა ქვიშიანი პლაჟები უსაფრთხო სანაპირო ზოლითა და ყველა საჭირო ინფრასტრუქტურით. მაგრამ საოჯახო დასვენებისთვის ეს კურორტი ნაკლებად გამოდგება, რადგან აქ ძალიან ხმაურიანი და მეტისმეტად თავისუფალი ატმოსფეროა. თუმცა ფასები, როგორც ახალგაზრდებზე ორიენტირებული,  უფრო დემოკრატიულია. ქალაქის შემოგარენში მალიას მინოანის სასახლის ნანგრევები მდებარეობს.

ჰერსონისოსი – ჰერაკლიონის კიდევ ერთი ხმაურიანი ადგილი აქტიური ღამის ცხოვრებით, მაგრამ ამავდროულად უფრო მშვიდი, რაც ათასობით ტურისტს აძლევს აქ დასვენების საშუალებას, მათ შორის ბავშვებთან ერთად. შესაძლოა, ქალაქის პლაჟები არ იყოს საუკეთესო, მაგრამ ისინი ნამდვილად არ უჩივიან დამსვენებლების ნაკლებობას. და სწორედ ეს არის ერთ-ერთი მთავარი „ნაკლი“, მაგრამ კურორტის გარეუბანში უამრავი სუფთა და მშვიდი ლაგუნა და ყურეა, სადაც შესანიშნავი დროის გატარებას შეძლებთ. ღირსშესანიშნაობების სიუხვით ჰერსონისოსი ვერ დაიკვეხნის, მაგრამ აქ ერთდროულად განთავსებულია 2 დიდი აკვაპარკი: Star Beach Waterpark და Aqua Splash.

აუცილებლად ეწვიეთ:

ჰერაკლიონი – კუნძული კრეტას დედაქალაქია, ქალაქი, სადაც საბერძნეთის მდიდარი წარსული და  ნათელი აწმყო ხვდება ერთმანეთს. მდებარეობს რეგიონის შუაგულში, ამიტომ აქ ჩამოსვლას სხვადასხვა საკურორტო ქალაქიდან ერთ საათში შეძლებთ, რის გაკეთებასაც ნამდვილად გირჩევთ. სწორედ ჰერაკლიონში მდებარეობს საბერძნეთის ერთ-ერთი უდიდესი და უმნიშვნელოვანესი მუზეუმი – მინოანის კულტურის მუზეუმი, სადაც თქვენ კუნძულისა და მთელი ქვეყნის ისტორიას გაეცნობით. ასევე ქალაქის მშვენებაა ციხე-სიმაგრე კულესი, წმ. მინას საკათედრო ტაძარი, წმინდა ტიტოს ტაძარი, წმინდა ეკატერინეს ეკლესია, ლოჯია და ძველი ნავსადგური.

განთავსების ღირებულება: 3* – 54 ევროდან, 5* – 113 ევროდან.

თბილისიდან ჰერაკლიონის მიმართულებით ფრენის ღირებულება 730 ლარიდან იწყება (ორივე გზა).

ყველაზე იაფი ავიაბილეთები თბილისიდან ჰერაკლიონი, შემდეგი 1წლის განმავლობაში

გამგზავრებადაბრუნებაგაჩერებაავიაკომპანიაფასი
30 მარ 20246 აპრ 20242 ᲒაჩერებაAegean Airlines1 052 -დან
13 აპრ 202417 აპრ 20241 ᲒაჩერებაAegean Airlines759 -დან
16 მაი 202421 მაი 20241 ᲒაჩერებაAegean Airlines710 -დან
2 ივნ 20247 ივნ 20241 ᲒაჩერებაAegean Airlines716 -დან
10 ივლ 202420 ივლ 20241 ᲒაჩერებაAegean Airlines803 -დან
22 აგვ 202429 აგვ 20241 ᲒაჩერებაAegean Airlines876 -დან
9 სექ 202415 სექ 20241 ᲒაჩერებაAegean Airlines771 -დან

იაფი ორმხრივი ავიაბილეთები თბილისიდან ჰერაკლიონი-ში

გამგზავრებადაბრუნებაგაჩერებაავიაკომპანიაფასი
16 მაი 202421 მაი 2024პირდაპირიAegean Airlines710 -დან

ლასითი

ლასითი კუნძულის აღმოსავლეთ ნაწილში მდებარეობს, რომელსაც ლიბიისა და კრეტის ზღვები აკრავს გარს და  კრეტის ყველაზე ძვირადღირებულ რეგიონად ითვლება მოდური სასტუმროების, საუცხოო პლაჟებისა და შესანიშნავი მომსახურების გამო.

აგიოს ნიკოლაოსი – ლასითის დედაქალაქი და უნიკალური ქალაქია, რომელიც თავისი სილამაზით  ნებისმიერ სტუმარს შთააგონებს, ხშირად ცნობილ ადამიანებსაც კი. ეს არის ქალაქი განუმეორებელი ბუნებითა და არქიტექტურით, რომლის შიგნით დიდი ტბა ვულიზმენი მდებარეობს, გარს კი თბილი ზღვა აკრავს.  ქალაქის ძველი ცენტრი, ნავსადგური, სანაპირო – პლაჟზე აქტიური დასვენების შემდეგ ამ წარმოუდგენლად ლამაზ ადგილებზე სასიამოვნო საღამოს გაატარებთ.

ეს ქალაქი შეძლებულ ტურისტებს იზიდავს. აქ მრავალ ბრენდულ ბუტიკს, საიუველირო მაღაზიას, აგრეთვე ბეწვისა და ტყავის ნაწარმის სალონს იხილავთ. გარდა ამისა, აქ მდიდარი კულტურული ცხოვრებაა. ყოველ ზაფხულს ქალაქში  ფესტივალების, კონცერტების, სპექტაკლების პროგრამა დგება, ასე რომ, საღამოობით ნამდვილად არ მოიწყენთ.

აგიოს ნიკოლაოსიდან შეგიძლიათ  მირაბელოს ყურით საინტერესო საზღვაო გასეირნებით ეწვიოთ სპინალონგას კუნძულს, აგრეთვე წყალქვეშა გასეირნებით – ჩაძირულ ქალაქ ოლუსს.

ელუნდა აგიოს ნიკოლაოსთან ძალიან ახლოს მდებარეობს და კუნძული კრეტას ერთ-ერთ ყველაზე ელიტარულ კურორტად ითვლება. აქ მხოლოდ მდიდრული სასტუმროებია ვერტმფრენებისა და გოლფის მოედნებით, მხოლოდ ლურჯი დროშით დაჯილდოვებული სუფთა პლაჟები, მხოლოდ მშვიდი და წყნარი გარემო. ელუნდა ცოტა ხნის წინ გახდა ძვირადღირებული კურორტი, ადრე კი მეთევზეთა პატარა სოფელი იყო, რომელსაც ჯერ კიდევ მშვიდი ცხოვრება ახასიათებს, მიუხედავად იმისა, რომ აქ ხშირად საკმაოდ მდიდარი და ცნობილი ადამიანები ისვენებენ.

იერაპეტრა – ლიბიის ზღვის სანაპიროზე, ევროპის ყველაზე სამხრეთით მდებარე ქალაქი ყოველწლიურად სულ უფრო მეტ ტურისტს იზიდავს. მისი შემოგარენი – ლურჯი დროშით დაჯილდოვებული ლამაზი სანაპირო ზოლია შესანიშნავი ქვიშიანი და კენჭიანი პლაჟებით. იერაპეტრას ძველ ცენტრში ამავე სახელწოდების ციხეა შემონახული, აგრეთვე უძველესი ეკლესიები და ტაძრები. და, რა თქმა უნდა, ქალაქს აქვს სანაპირო, სადაც უამრავი შესანიშნავი რესტორანი მდებარეობს და სადაც  გემრიელი და ნატურალური კერძები შეგიძლიათ დააგემოვნოთ, რადგან იერაპეტრა სოფლის მეურნეობის პროდუქციის ერთ-ერთი მსხვილი მწარმოებელია.

ქალაქის შემოგარენი – სოფლები ეპისკოპი და მირტოსი  – ასევე შესანიშნავია მშვიდი დასვენებისთვის და სასიამოვნო გასეირნებისათვის მათთვის, ვინც ქალაქის ხმაურით დაიღალა.

განთავსების ღირებულება: 3* – 52 ევროდან, 4* – 99 ევროდან.

ასევე იხილეთ:

თეგები: , , , , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა