ჩვენ სიამოვნებით გიამბობდით იმ ადგილებისა და საქმიანობის შესახებ, რომლებშიც ჰოლანდიის დედაქალაში უამრავი თანხის დახარჯვაა შესაძლებელი  (if you know what we mean). მაგრამ შემდეგ გადაწყვიტეთ, რომ ამ ამოცანას თავადაც გაუმკლავდებით. ხოლო რამდენიმე რჩევა ამსტერდამის საინტერესო უფასო ადგილების შესახებ ნამდვილად არავისთვის იქნება ზედმეტი.

თუ ნებისმიერი სახის სახვითი ხელოვნებისადმი თქვენი ლტოლვის შეჩერება შეუძლებელია - დაბეჯითებით გირჩევთ გაეცნოთ ნიდერლანდების საოცარი და უფასო მუზეუმებისა და გალერეების სიას. დაიწყეთ ერთმანეთისგან ფეხით სავალ მანძილზე  მდებარე გალერეებით  Radar, Galerie Fons Welters და KochxBos. ყველა მათგანის მთავარი სპეციალიზაცია თანამედროვე ხელოვნებაა, მაგრამ თითოეულს საკუთარი თავისებურებები აქვს. მაგალითად, პირველ მათგანში არქიტექტურის ნიმუშებს გაეცნობით, ხოლო ეს უკანასკნელი  ქუჩის მრავალფეროვანი გრაფიტით  არის მდიდარი.

შეუძლებელია არ აღვნიშნოთ ცნობილი THE EYE FILM. აქ  კინემატოგრაფიული ხელოვნების სიღრმეეში შეგიძლიათ ჩაერთოთ. გასაოცარი მულტიმედიური გამოცდილება საშუალებას მოგცემთ თავად აირჩიოთ ფილმები ან მათი ცალკეული ეპიზოდები. გაითვალისწინეთ, რომ მუდმივი ინსტალაციებისგან განსხვავებით დროებითი „ჩამოტანილი“ გამოფენები სავარაუდოდ ფასიანი იქნება.

ასევე ავანგარდული ხელოვნების მოყვარულთათვის დაუვიწყარი გამოცდილება შეიძლება იყოს უზარმაზარი გემთმშენების, ლითონის კონსტრუქციების და მიტოვებული ფაბრიკის შენობების დათვალიერება ერთ-ერთი უფასო ბორნის გემბანიდან. კიდევ ერთი ადგილი, სადაც ადგილობრივ არქიტექტურას თავისუფალად გაიცნობთ, არის ARCAM (ამსტერდამის არქიტექტურის ცენტრი).

ამსტერდამის მაცხოვრებლებს, როგორც ჩანს, ძალიან უყვართ მუსიკა. და ყველაზე კარგი ის არის, რომ ისინი მზად არიან გაგიზიარონ საუკეთესო  ნიმუშები, სანაცვლოდ კი არაფერი ითხოვონ. ამ ქალაქში უფასო მუსიკალური გამოსვლის, კონცერტის ან ფესტივალის მოძიება მარტივზე მარტივია.

არსებობს რამდენიმე ადგილი, სადაც აუცილებლად უნდა ეწვიოს ის, ვისაც ამსტერდამში კარგი მუსიკის მოსმენა სურს. მათგან ყველაზე ცნობილი სავარაუდოდ ადგილობრივი მუსიკალური თეატრია. ყოველ სამშაბათს სადილის დროს (12:30 საათიდან 13:00 საათამდე) ოპერის თეატრისა  და ფილარმონიის შემსრულებლები უფასოდ გამოდიან. ეს დღე უფრო მუსიკალური რომ გახადოთ, საკულტო ჯაზ-კლუბს Bimhuis ეწვიეთ. ყოველ სამშაბათს სექტემბრიდან ივნისის ჩათვლით ყველა მსურველისთვის აქ მასშტაბური კონცერტები ეწყობა.

ადგილობრივი მელომანები არანაკლები ხალისით მიემართებიან ამსტერდამის საკონცერტო დარბაზში. აქ ყოველ ოთხშაბათს კლასიკური ნაწარმოებების თაყვანისმცემლებს სასიამოვნო სიურპრიზი ელოდებათ. სექტემბრიდან ივნისის ჩათვლით შეგიძლიათ მოუსმინოთ სახელგანთქმული შემსრულებლების რეპეტიციებს სადილის საათებში - შესვლა თავისუფალია.

ადგილობრივი ბუნების სილამაზით ტკბობა - ასევე აბსოლუტურად უფასო სიამოვნებაა, ხოლო მის მიერ მონიჭებული შთაბეჭდილებები უბრალოდ ფასდაუდებელია. სუფთა ჰაერის ჩასუნთქვისა და ქალაქის ხმაურისგან დასვენებისთვის ქალაქის ერთ-ერთ პარკს ეწვიეთ ან ეგრეთ წოდებულ ამსტერდამის ტყეს.

არსებობს უამრავი გასართობი საშუალება, რომლებითაც ადგილობრივი მოსახლეობა ერთობა ასეთი გასეირნების დროს - რატომ არ უნდა მიბაძოთ მათ მაგალითს? შეგიძლიათ პიკნიკზე წახვიდეთ Vondelpark-ში (სადაც, სხვათა შორის, ასევე წარმატებულად შეგიძლიათ მოხვდეთ ღია ცის ქვეშ ცეკვების გაკვეთილზე ან უფასო იოგას ვარჯიშებზე) ან ბარბექიუ მოიწყოთ თვალწარმტაც Flevopark-ში, ან იქნებ ველოსიპედით გასეირნება ამჯობინოთ ამსტერდამის ტყეში?

ამსტერდამში ასევე სიამოვნებით  უწყობენ ხელს სწავლისკენ მისწრაფებას. მათ, ვისაც არ სურს საკუთარი განვითარება მოგზაურობის დროსაც კი შეწყვიტოს, ვურჩევთ ამსტერდამის ცენტრალურ ბიბლიოთეკას ეწვიოს. სხვადასხვა გამომცემლობის უდიდესი საერთაშორისო კოლექციის გარდა, აქ მშვენიერ პანორამას იხილავთ, რომელიც შენობის ზედა ნაწილიდან იშლება.

არანაკლებ შემეცნებითი იქნება ვიზიტი ქალაქის არქივში Stadsarchief. თუ ბავშვობაში „დეტექტივობანას“ თამაში გიყვარდათ და დეტექტიური ისტორიების კითხვით იყავით გატაცებული, უკეთეს ადგილს სხვაგან უბრალოდ ვერსად იპოვით. აქ ათასობით სხვადასხვა სახის ურბანული დოკუმენტაციაა, მათ შორის პოლიციის ისტორიული ანგარიშები და ჯონ ლენონისა და იოკო ონოს ფოტოსურათებიც კი.

ასევე საინტერესო იქნება  მუზეუმი მულტატული. ამ ფსევდონიმით  მსოფლიოში ცნობილი ჰოლანდიელი მწერალი ედუარდ დაუეს დეკერი ოდესღაც თავის რომანებს წერდა. დღეს კი მის მუზეუმ-ბინაში სტუმრებს პირადი ნივთების შთამბეჭდავი კოლექცია შეუძლიათ იხილონ, ისევე როგორც მოგზაურობის დროს შეგროვებული ინდონეზიული სუვენირების კოლექცია.

თუ მოგზაურობას განსაკუთრებული ხიბლი გსურთ შემატოთ, ასევე შეგიძლიათ იხილოთ ამსტერდამის სამი უჩვეულო მუზეუმი.

ოდნავ განსხვავებულ ცოდნას სთავაზობს კანაბისის კოლეჯი მათ, ვინც თვითგანვითარებისკენ მიისწრაფვის. აქ მზად არიან ყველა მსურველს ასწავლონ ცნობილი მცენარის სათანადო კულტივირება და ჯიშების გამოცნობა, პროგრამაში ასევე შედის დეგუსტაცია ;)

იაფი სასტუმროები ამსტერდამში

ასევე იხილეთ: