გონდოლა ვენეციაში

მოგზაურობა იტალიაში: რჩევები ტურისტებს

მზიანი იტალია – ეს არის თბილი ზღვა, ღვინო, უგემრიელესი სამზარეულო და ქალაქები, რომელთაგანაც თითოეული ღია ცის ქვეშ მუზეუმის სახელწოდებას იმსახურებს. ჩვენ სასარგებლო რჩევების მცირე ჩამონათვალი მოგიმზადეთ, რომელიც დაგეხმარებათ თქვენი დასვენება კიდევ უფრო შთამბეჭდავი გახადოთ.

  1. რა უნდა დაათვალიეროთ თუ დროში შეზღუდული ხართ

თუ ისე მოხდა, რომ თქვენი იტალიაში მოგზაურობა არა დღეების, არამედ საათების მიხედვით არის დაგეგმილი და შემოგარენის აუჩქარებლად დასათვალიერებლად  არცთუ ისე ბევრი დრო გაქვთ, ჩვენ შეგვიძლია გირჩიოთ თუ რა უნდა მოინახულოთ (ან გააკეთოთ) პირველ რიგში ქვეყნის რამდენიმე ყველაზე საკულტო ქალაქში. მაშ ასე:

ფლორენცია

ფლორენციაში აუცილებლად ეწვიეთ ცნობილ გალერეას უფიცი – მარტო სანდრო ბოტიჩელის ნამუშევრები რად ღირს, რომ არაფერი ვთქვათ სხვა ცნობილ იტალიელებზე! გირჩევთ აქ ბილეთები წინასწარ დაჯავშნოთ (მაგალითად, გალერეის ოფიციალურ ვებ-გვერდზე, იმისათვის, რომ ძვირფასი დრო რიგში არ დაკარგოთ).

თუ ხელისგულზე გადაშლილი ქალაქის ხილვა გსურთ, გირჩევთ სანტა-მარია დელ ფიორეს ცნობილი ტაძრის გუმბათზე ახვიდეთ (სიმაღლიდან ფლორენციის შესანიშნავი ხედები იშლება!), შემდეგ კი ტაძარში არსებულ მუზეუმს ეწვიეთ, სადაც შუა საუკუნეებისა და რენესანსის ხელოვნების შედევრების დათვალიერებას შეძლებთ.

სან-ლორენცოს ბაზარზე არა მხოლოდ ახალი პროდუქტების შეძენას და იტალიური ბაზრის ცხოვრებაზე „პირველი ხელიდან“ დაკვირვებას შეძლებთ, არამედ მეორე სართულზე ასვლით, საკუთარი თვალით იხილავთ თუ როგორ ჯადოსნობენ იტალიელი კულინარიის ოსტატები თავიანთი შედევრების  – პურ–ფუნთუშეულის, მაკარონის თუ ნაყინის შექმნაზე.

ვენეცია

ვენეციაში ჩამოსვლის შემდეგ პრეტენციოზული გონდოლების ნაცვლად, ბილეთი წყლის ტრამვაიზე შეიძინეთ (აქ მას „ვაპორეტოს“ უწოდებენ) – შესანიშნავი და საკმაოდ ბიუჯეტური საშუალებაა, რათა ეს უძველესი ლამაზმანი წყლიდანაც იხილოთ. შემდეგ კი სასეირნოდ უბან  Cannareggio-ს (გაჩერება «Ca D’Oro») ეწვიეთ – ეს ძალიან ატმოსფერული ადგილია, სადაც ქალაქს ისეთს შეიგრძნობთ, როგორიც რეალურად არის.

აუცილებლად გაისეირნეთ ქალაქის უძველეს ხიდზერიალტოზე, გამოხატეთ თქვენი აღფრთოვანება სან მარკოს მოედანზე უამრავ ხალხსა და მტრედების გუნდებს შორის. შემდეგ კი სან-მაურიციოს ეკლესიასთან არსებულ მუსიკალურ მუზეუმს ეწვიეთ. აქ თქვენ გიამბობენ, თუ როგორ იცვლებოდა სხვადასხვა ინსტრუმენტები საუკუნეების მანძილზე  (მუზეუმში შესვლა უფასოა).

შესვენებას და ახალი ტურისტული „საგმირო საქმეების“ წინ ძალის მოკრებას  Giardino Padapopoli-ს პარკში შეძლებთ – ეს არ არის დიდი პარკი, მაგრამ ძალიან ლამაზი და მწვანეა.

რომი

იმისათვის, რომ რომის ანტიკური ხანის სიდიადეს ეზიაროთ, მარადიულ ქალაქში Via dei Fori Imperiali-ს ქუჩაზე გაისეირნეთ. არ დაიზაროთ, ადრე  გაიღვიძეთ და ტრევის შადრევანს ეწვიეთ, სანამ მის ოკუპირებას იტალიელი მტრედები თუ ტურისტები მოახდენენ.

რენესანსის შედევრების საოცარი ატმოსფერო რომ შეიგრძნოთ, თქვენი ტურისტული მარშრუტების გზაზე მდებარე ყველა ტაძარში შეიხედეთ. ასევე გირჩევთ შოპინგი მოიწყოთ ვია დეი გამბეროს ქუჩაზე – თუნდაც ეს არ იყოს „სუპერ ფეშენ სტილი“, როგორც სახელგანთქმული Gucci ან Prada, მაგრამ ბევრად უფრო სასიამოვნო და თავისებურად ძალიან მოდურია! ასევე აუცილებლად ეწვიეთ ისეთ უბნებს, როგორიცაა მონტი, ტრანსტევერე ან ტესტაჩო  – ბოჰემიური, გემრიელი და ყველა ძალიან, ძალიან რომაული.

  1. როდის და სად წავიდეთ?

იტალია იმით არის კარგი, რომ იგი (ტავტოლოგიისთვის ბოდიშს ვიხდით) წელიწადის ნებისმიერ დროს კარგია. შემოდგომა, ზამთარი, გაზაფხული თუ ზაფხული – გვერწმუნეთ, აქ ნამდვილად იპოვით რით დაკავდეთ!

მაგალითად, გაზაფხულზე ყურადღება მიაქციეთ ტოსკანას, სადაც ამ დროს რამდენიმე საინტერესო ღონისძიება იმართება.

მაგალითად, ლუკას პროვინციაში, ქალაქ კაპანორიში 5-6, 12-13 და 19-20 მარტს თქვენ  ყვავილების ფერადი ღონისძიება გელით – კამელიების დღესასწაული Antiche Camelie della Lucchesia. თქვენ შესაძლებლობა გაქვთ ეწვიოთ  წმინდათა წმინდას – ადგილობრივი ვილების ბაღებს, სადაც ამ საოცარი ყვავილების საუკეთესო ნიმუშებია თავმოყრილი. თქვენ ყვავილების დიზაინის საიდუმლოებას გაგანდობენ, სამხატვრო და ფოტო გამოფენებზე მიგიწვევენ, თქვენ ასევე ჩაის დეგუსტაციასა და იაპონიის კულტურის დღესასწაულზე მოხვდებით (პატივისცემა „ზეიმის მიზეზის“ ეგზოტიკური წარმოშობისადმი).

აღდგომა კიდევ ერთი მიზეზია იმისათვის, რომ კარგად დაისვენოთ. აღდგომის შაბათ-კვირას, ტოსკანას ზოგიერთ ქალაქში ანტიკვარიატის ბაზრობები ეწყობა. განსაკუთრებულ ყურადღებას ქალაქ ლუკას ბაზრობა იმსახურებს. ამ დღეებში, ქალაქის ციხის გალავანი ასობით დახლით ივსება, სადაც ანტიკვარიატის ნემისმიერი მოყვარული მისთვის რაღაც  საინტერესოს იპოვის. ანტიკვარიატის ბაზრობებს შეგიძლიათ ასევე ეწვიოთ ქალაქებში ვინჩი და გრევე-ინ-კიანტი (Greve in Chianti).

24-26 აპრილს ქალაქ კასტილიონჩელოში თქვენი გასტრონომიული გემოვნების დაკმაყოფილებას შეძლებთ, სადაც ქუჩის საკვებისადმი მიძღვნილი ფესტივალი Castiglioncello Foodies Festival იმართება. თქვენ გელით დეგუსტაციები, მზარეულთა შოუ და ნებისმიერი სახეობის უგემრიელესი ლუდის  დიდი არჩევანი.

თუ ქალაქ ტერიჩოლაში, პიზის პროვინციაში  აღმოჩნდით, 9-10 და 16-17 მაისს აუცილებლად ეწვიეთ მარწყვის ფესტივალს. დღესასწაულის დღეებში ქალაქის ისტორიული ცენტრი მარწყვითა და იმ სხვადასხვა სასუსნავებით დატვირთული დახლებით ივსება, რომლებიც მისგან მზადდება: ღვეზელი, მურაბა, წვენი და ნაყინი – შეგვიძლია უსასრულოდ ჩამოვთვალოთ! ამ გემრიელი კენკრის დაგემოვნების გარდა სტუმრებისთვის სპექტაკლები, ქუჩის გასართობი წარმოდგენები და ანტიკვარიატის ბაზრობა  მოეწყობა.

იტალიაში შემოდგომაზეც არ მოიწყენთ. მაგალითად, ოქტომბერში აქ Street Food Truck Festival ეწყობა – ქუჩის საკვების საინტერესო ფესტივალი, რომელიც ფლორენციაში 2-4 ოქტომბერს აღინიშნება, ბარიში – 16-18 ოქტომბერს და რომში – 23-25 ​​ოქტომბერს. ფესტივალის დროს, ათეულობით ქუჩის საკვებით დატვირთული ფურგონი იტალიის ქალაქებსა და სოფლებში მოგზაურობს  და რეგიონალური „სთრით-ფუდით“ ვაჭრობს. არ გამოტოვოთ!

„კუჭის დღესასწაულისგან“ განტვირთვას და იტალიური არქიტექტურით დატკობას Ville aperte-ს პროექტში მონაწილეობის მიღებით  შეძლებთ. ეს უნიკალური შესაძლებლობაა, რომ ბრიანცის ძველი პალაცო და ვილები იხილოთ, რადგან პროექტში კომოს, ლეკოს, მონცის და მილანის 140 არქიტექტურული ძეგლი მონაწილეობს. სამეფო სასახლეები, ეკლესიები, გემოვნებით მოწყობილი კარ-მიდამო, კერძო პარკები და მონასტრები ნებისმიერი სტუმრისთვის ღიაა. პროექტი 20 ოქტომბრამდე გაგრძელდება.

ტურისტისთვის საინტერესო ინფორმაცია

დასვენება კარგია, მაგრამ უფრო „მიწიერიც“ არ დაივიწყოთ. ნებისმიერი მოგზაურობისთვის წინასწარ უნდა მოემზადოთ, რომ თავიდან აიცილოთ ნებისმიერი კაზუსი ან გაუთვალისწინებელი სიტუაცია, რომელსაც თქვენი მოგზაურობის შაჩლა შეუძლია.

იტალიაში, მაგალითად, არსებობს რიგი წესები, რომელთა ცოდნაც არა მარტო ნერვებს შეგინარჩუნებთ, არამედ (ზოგიერთ შემთხვევაში) ფულსაც დაგიზოგავთ.

  • ამგვარად, თქვენ შეიძლება საკმაოდ დიდი თანხით (დაახლოებით €150) დაგაჯარიმონ, თუ მუნიციპალური პლაჟზე დილის პირველი საათიდან და 5 საათამდე პერიოდში აღმოჩნდებით. პლაჟებზე პატრულირებას პოლიცია ახორციელებს, ამიტომ „დაჭერის“ თავიდან აცილების შანსი ნაკლებია.
  • თუ რომში ისტორიული ძეგლების მახლობლად ალკოჰოლური სასმელის, საკვების მიღების დროს ან (ღმერთმა დაგიფაროთ!) ჩაძინებული გიპოვეს, 50 ევროს ოდენობით დაჯარიმდებით. სხვათა შორის, ასევე აკრძალულია დედაქალაქის უძველეს ძეგლებთან ახლოს ყვირილი.
  • თუ ქალაქის შადრევანში ბანაობა გადაწყვიტეთ, ფული უმალვე გაამზადეთ – ჯარიმის თანხამ შეიძლება 500 ევროს მიაღწიოს.
  • შენიშვნა მწეველთათვის: იტალიაში ძალიან მკაცრი წესები მოქმედებს თამბაქოს მოწევის აკრძალვასთან დაკავშირებით. მოწევა საზოგადოებრივი თავშეყრის ადგილებში, იქნება ეს ბარი, კაფე, კინო თუ სხვა, 250 ევროთი ჯარიმდება. აკრძალვა არ ვრცელდება ელექტრონულ სიგარეტებზე.

ყველაზე იაფი ავიაბილეთები თბილისიდან რომი, შემდეგი 1წლის განმავლობაში

გამგზავრებადაბრუნებაგაჩერებაავიაკომპანიაფასი
30 მარ 20246 აპრ 20241 ᲒაჩერებაPegasus Airlines571 -დან
20 აპრ 202418 მაი 20241 ᲒაჩერებაAzerbaijan Airlines655 -დან
18 მაი 202425 მაი 20241 ᲒაჩერებაAegean Airlines707 -დან
1 ივნ 202418 ივნ 20241 ᲒაჩერებაAzerbaijan Airlines801 -დან
1 ივლ 20248 ივლ 20241 ᲒაჩერებაPegasus Airlines815 -დან
9 სექ 202416 სექ 20241 ᲒაჩერებაPegasus Airlines803 -დან
21 ოქტ 202430 ოქტ 20241 ᲒაჩერებაPegasus Airlines812 -დან
6 ნოე 202413 ნოე 20241 ᲒაჩერებაLOT Polish Airlines814 -დან
18 დეკ 202425 დეკ 20241 ᲒაჩერებაLOT Polish Airlines725 -დან
10 იან 202517 იან 20251 ᲒაჩერებაLOT Polish Airlines713 -დან
23 თებ 20252 მარ 20251 ᲒაჩერებაLOT Polish Airlines798 -დან
2 მარ 20259 მარ 20251 ᲒაჩერებაLOT Polish Airlines771 -დან

პირდაპირი ფრენა ქუთაისიდან რომი-ში

გამგზავრებადაბრუნებაავიაკომპანიაფასი
28 მარ 202431 მარ 2024Wizz Airფასი 666
13 აპრ 202416 აპრ 2024Wizz Airფასი 611
11 მაი 202419 მაი 2024Wizz Airფასი 653
4 ივნ 20249 ივნ 2024Wizz Airფასი 641

პირდაპირი ფრენა ქუთაისიდან მილანი-ში

გამგზავრებადაბრუნებაავიაკომპანიაფასი
26 მარ 202430 მარ 2024Wizz Airფასი 1 558
9 აპრ 202413 აპრ 2024Wizz Air Maltaფასი 665
4 მაი 20249 მაი 2024Wizz Airფასი 543
11 ივნ 202418 ივნ 2024Wizz Airფასი 613

 

თეგები: , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა