skyup ავიახაზები

SkyUp კიევიდან 7 ახალ რეისს დანიშნავს იტალიის, საქართველოსა და ესპანეთის მიმართულებით

2018 წლის დეკემბრიდან უკრაინული ლოუკოსტი SkyUp რეისებს დანიშნავს შვიდი ახალი საერთაშორისო მიმართულებით კიევიდან იტალიაში, საქართველოში და ესპანეთში, გვაუწყებს ავიაგადამზიდავის ჯავშნების სისტემა.

2019 წლის 31 მარტიდან ავიაკომპანია გეგმავს რეისების დანიშვნას კვიპროსის მიმართულებით – ლარნაკაში – კვირაში სამი სიხშირით. ბილეთების შეძენა შესაძლებელია 1500 უკრაინული გრივნიდან ერთი გზა, მოსაკრებლებისა და 7 კილოგრამამდე ხელბარგის გადაზიდვის  ჩათვლით.

2019 წლის 26 აპრილიდან SkyUp ფრენებს განახორციელებს ნეაპოლში (იტალია) და ტენერიფეში (ესპანეთი) კვირაში ორი სიხშირით. ნეაპოლის ბილეთები ხელმისაწვდომია 2600 უკრაინული გრივნიდან ერთი გზა, ტენერიფეში – 5200 უკრაინული გრივნიდან ერთი გზა.

2019 წლის 25 მაისიდან ლოუკოსტი რეისებს ყოველ დღე  განახორციელებს საქართველოს კურორტის – ბათუმის მიმართულებით, ბილეთების ღირებულება იწყება 1500 უკრაინული გრივნიდან ერთი გზა,  ხოლო 1 ივნისიდან  კიდევ ერთ იტალიურ ქალაქში  დაიწყებს ფრენას – რიმინიში – კვირაში ორი სიხშირითა და ბილეთის ღირებულებით  2600 უკრაინული გრივნიდან ერთი გზა.

2019 წლის 2 ივნისიდან SkyUp-ის სამარშრუტო ქსელს კიდევ ორი ​​ქალაქი შეავსებს. ავიაკომპანია განახორციელებს რეისებს ალიკანტეს (ესპანეთი) და კატანიის (იტალია) მიმართულებით. პირველ შემთხვევაში, რეისები კვირაში ორჯერ განხორციელდება, მეორე შემხთვევაში – კვირაში ერთხელ.

კიევი-ალიკანტეს  მიმართულებით ბილეთების შეძენა შესაძლებელია 2500 უკრაინული გრივნიდან ერთი გზა,  კიევი-კატანიას რეისზე – 2600 უკრაინული გრივნიდან ერთი გზა. ფასში შედის ხელბარგის გადაზიდვა, ბარგი კი დამატებით უნდა გადაიხადოთ.

უფრო ადრე კი ცნობილი გახდა, რომ 2019 წლის ზაფხულში SkyUp დაიწყებს შიდა ლოუკოსტ ფრენებს კიევი-ოდესას და ხარკოვი-ოდესას მიმართულებით ბილეთების ღირებულებით 500 უკრაინული გრივნა ერთი გზა.

თეგები: , , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა