ქუთაისში ბაზირებული ავიაკომპანია ვიზეარი 12 ახალ ფრენას ამატებს ევროპის მიმართულებით.
ფრანკფურტი, ჰამბურგი, ბადენ-ბადენი, ვენეცია, ნეაპოლი, ნიცა, პიზა, სტოკჰოლმი, ნიურნბერგი, პოზნანი, ჰერაკლიონი, ტურკუ – 12 ახალი ევროპული ავიამიმართულება ქუთაისის საერთაშორისო აეროპორტიდან
ავიაკომპანია ვიზეარი (Wizzair) ამატებს მეოთხე და მეხუთე Airbus A320 ტიპის ხომალდს ქუთაისის აეროპორტში.
მეოთხე ბაზირებული ხომალდი ფრენებს 2019 წლის ბოლოდან დაიწყებს ევროპის 7 მიმართულებით პოზნანი, ჰამბურგი, ნეაპოლი, ვენეცია, პიზა, ფრანკფურტი და ბადენ-ბადენში
2020 წლიხ ზაფხულიდან კი დანარჩენი 5 ქალაქის მიმართულებით დაიწყება ფრენები სტოკჰოლმი, ნიურნბერგი, ტურკუ, ნიცა, ჰერაკლიონი.
ეკონომიკისა და მდგრადი განვითარების სამინისტროს და Wizz Air-ს შორის მოლაპარაკებების შედეგად, ქუთაისის საერთაშორისო აეროპორტში მესამე ბაზირებული ხომალდის დაანონსებიდან მოკლე ვადაში, Wizz Air ქუთაისში 4-5 თვითმფრინავსა და 12 ახალ ევროპულ მიმართულებას ამატებს. 2020 წლის ზაფხულისთვის ქუთაისის საერთაშორისო აეროპორტიდან პირდაპირი რეგულარული რეისები ევროკავშირის უკვე 19 ქვეყნის 39 მიმართულებით იქნება შესაძლებელი.
ავიაკომპანია Wizz Air-მა ქუთაისის საეთაშორისო აეროპორტიდან ოპერირება 2012 წელს დაიწყო. 2016 წლის სექტემბერში ქუთაისის საერთაშორისო აეროპორტში, რეგიონში ავიაკომპანია Wizz Air-ს პირველი ბაზა გაიხსნა. 2017 წლის მაისში ქუთაისის საერთაშორისო აეროპორტს Wizz Air-ს მეორე ბაზირებული საჰაერო ხომალდი და ევროპის 5 ყველაზე მოთხოვნადი მიმართულება დაემატა. 2018 წელს Wizz Air-მა ქუთაისის საერთაშორისო აეროპორტის მგზავრთნაკადის 95 % გადაიყვანა ( 587,643 მგზავრი) და საქართველოს ავიაციის ისტორიაში პირველად, Wizz Air-ი ბაზრის ლიდერი გახდა.
ავიაბილეთების გაყიდვა უკვე დაწყებულია
ამ დროისთვის კი ქუთაისის საერთაშორისო აეროპორტიდან სრულდება შემდეგი ავიარეისები