1 ივლისს ავიაკომპანიამ „უკრაინის საერთაშორისო ავიახაზები“ (UIA) სს „Atass-Borispol“-თან პარტნიორობით დაიწყო საავტობუსო რეისების განხორციელება ვინიცადან „ბორისპოლის“ აეროპორტში და პირიქით.
მხოლოდ ავტობუსის ბილეთებს ვერ შეიძენთ, გადაზიდვა კომპლექსურად ხორციელდება ავტობუსსა და ავიარეისზე.
ვინიცა-„ბორისპოლის“ ავტობუსის განრიგი
- ვინიცადან გამგზავრება (რკინიგზის სადგურთან მდებარე მოედანზე) - 03:00.
- „ბორისპოლში“ ჩამოსვლა - 7:00.
- „ბორისპოლიდან“ გამგზავრება - 20:25
- ვინიცაში ჩამოსვლა - 00:25.
გადაზიდვა ყოველდღე Neoplan-ის ავტობუსებით ხორცილედება. ცნობილია, რომ პირველი რეისით ვინიცადან 10 მგზავრი გაემგზავრა, ხოლო უკანა გზაზე - 3, - იუწყება „სატრანსპორტო სტრატეგიების ცენტრი“. ავტობუსი A წერტილიდან B წერტილში შუალედური გაჩერების გარეშე კურსირებს.
ავტობუსი ვინიცა-„ბორისპოლი“: რა უნდა იცოდეთ
- ავტობუსში ჩასასხდომად მგზავრმა მძღოლს ავიაბილეთი უნდა აჩვენოს. საავტობუსო რეისზე რეგისტრაცია არ არის საჭირო.
- ავტობუსით შესაძლებელია ბარგისა და ხელბარგის ტრანსპორიტრება შეძენილი ავიბილეთის ნორმების მიხედვით. მარშრუტის საავტობუსო ნაწილისთვის ბარგის რეგისტრაცია არ არის საჭირო.
- ავტობუსით აკრძალულია ცხოველების, გაბარიტული სპორტული ინვენტარის, დაუკეცავი ინვალიდის ეტლებისა და იარაღის ტრანსპორტირება
- „ბორისპილში“ ჩამოფრენის შემდეგ მგზავრმა დამოუკიდებლად უნდა მიიღოს თავისი ბარგი და ავტობუსამდე მიიტანოს.
UIA-ს ვიცე-პრეზიდენტმა ვლადიმერ სემენჩენკომ აღნიშნა, რომ უკრაინის საერთაშორისო ავიახაზები დროთა განმავლობაში გააფართოვებს საავტობუსო მარშრუტების რუკას. დაგეგმილია - „ბორისპოლიდან“ 200 კმ-ის რადიუსში მდებარე მსხვილი ქალაქებიდან/ქალაქებში რეისები. ამ პროექტის დაწყების შესახებ საბოლოო გადაწყვეტილება ცნობილი გახდება საავტობუსო რეისის - ვინიცა-„ბორისპოლის“ აეროპორტი - დანიშვნიდან სამი თვის შემდეგ.